Hér hef ég ekki bloggað síðan á busadaginn sem var í byrjun september!  Áhugavert það.. hef svosem bloggað á hinni síðunni að vísu. Seinustu dagar eru búnir að vera áhugaverðir..

Á fimmtudaginn fór ég í ökuskólann og svo þegar ég var að labba heim voru ljósin akkúrat slökkt í borginni, flott þar sem ég var einmitt stödd á göngubrú yfir Miklubraut.  Ég og Anna vorum þarna að pæla í myrkrinu sem var nú eiginlega bara ekkert myrkur!

Á föstudaginn fór ég svo að ökuskola loknum heim til Kristínar Maríu sem var að halda innflutnings/afmælis-partý og það var bara mjög fínt.. Ég, Gyða og Hrönn í góðu stuði ásamt fleiru fólki.

Svo á laugardaginn var ég bara heima um daginn og fór svo að syngja i upptökum seinni partinn og um kvöldið heim til SigguSoffíu ásamt Steinunnnni þar sem við borðuðum pizzu, mygluðum og vorum við það að deyja úr þreytu.

Sunnudagurinn var nú eiginlega bara alveg eins nema þegar upptökur voru búnar fór ég nú bara heim, svo aðeins út og kíkti á Árna kallinn..

Þessi vika er bull, óeðlilega mikið af prófum!
-mánudagur  Tjarnarhringurinn og ég ekki alveg í toppformi eftir sumarið svo vægt sé til orða tekið
-þriðjudagur   Líffræði..Kirni, Deoxyríbósi, Beðmi, Peptíðtengi og Amínósýrur! Hver er munurinn á þessu öllu?
-miðvikudagur   Stærðfræði.  Já hin reglulegu stærðfræðipróf klikka ekki.  Og hvað núna ákvað kennarinn að hafa efni seinasta prófs lika með á þessu prófi
-fimmtudagur  Spænska.  Kennarinn ofur-yndislegur svo maður þarf bara að teikna hjörtu á prófið og fá hátt? annars er lýsingarþátið ekki alveg að gera sig sko...
-föstudagur  SAGA=oooóóó! Nú erum við í vondum málum trallalalalala?  Helgi Ingólfs er náttúrulega allsvakalega smámunasamur og illkvittinn

Þannig að hvernig er ég stödd? Illa.  Hjálp.  Kannski ég ætti þá að eyða tíma mínum í að læra frekar en að blogga?  Neei ég er ekki svo viss um að það gagnist.. Og þó